کیا سعودی عرب اور پاکستان دوست ہیں؟

کیا سعودی عرب اور پاکستان دوست ہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یمن میں جاری حوثی باغیوں کے خلاف جنگ صرف سعودی عرب کی جنگ نہیں،یہ جنگ تو پورے عالم اسلام کی جنگ ہے۔مانا کہ فی الوقت حرمین کو خطرہ نہیں،لیکن حرمین سے ایک ہزار کلومیٹر کے فاصلے پر لگی آگ کو حرمین تک پہچنے میں ایک سومنٹ بھی نہیں لگیں گے۔سعودی عرب کا بروقت اس آگ پر قابو پانے کے لیے عملی اقدام کرنا انتہائی دانشمندی کی علامت تھی۔اگرچہ سعودی اتحاد کافی حدتک اس آگ پر قابو پانے میں کامیاب ہوگیا ہے،لیکن ابھی بھی اس کی چنگاریاں بجھی نہیں ہیں۔یہ چنگاریاں بنادوستوں کی مدد کے بہت مشکل ہے کہ بجھ جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان سعودی عرب کا حلیف ہی نہیں پکا دوست بھی ہے۔اب تک سعودی عرب نے پاکستان کو اپنی بچے کی طرح پالا ہے۔اس بچے کی ہر خواہش اور ہرضرورت کو طوعاوکرھا پوراکیا ہے۔حتی کہ اس بچے کے باپ دادوں کی مشکل وقت میں جان تک بچائی ہے۔
ہونا تو یہ چاہیے تھا کہ پاکستان مشکل وقت میں سعودی عرب کے احسانات کا بوجھ ہلکا کرتا،لیکن اس نازک موقع پردوست اورمحسن کو تنہاچھوڑ کر اپنے اوپر پہاڑ جتنا بوجھ لاد لیا ہے۔اللہ کرے جو نظر آرہاہے وہ سیاسی حکمت عملی ہو،لیکن بہرحال عملی اور حقیقی حکمت عملی تویہی ہونی چاہییے کہ پاکستان اس نازک صورتحال میں دوست کوتنہا نہ چھوڑے بلکہ دوست کو تکلیف دینے والے ہر دشمن پر بڑھ کر وار کرے۔اگرچہ پاکستان ثالثی کے لیے سرتوڑ کوشش کررہاہے،لیکن یہ صلح محض وقتی ہی ہوگی،جس پر سعودی عرب کبھی راضی نہ ہوگا۔
اس لیے پاکستان کو دائمی صلح یعنی دشمنوں کو بھرپور سبق سکھانے میں سعودی عرب کی ہرسطح پر مدد کرنی چاہییے۔ورنہ سالہاسال کا یہ دوست بظاہر شکوہ تو نہیں کرے گا،لیکن ایک وقت آئے گا کہ جب پاکستان اس 
دوست کی دوستی کو یادکرکے کیے پر پشیمان ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔